Job 18

Bildat Viteni min Siop keke Ahi Mul San Hakot min Meatin Tisa Enges

Siop 18:1-2,5,12-13,18,21

1 Evus, Bildat ten out Suah selus min Siop vit,

2 “Meatin keil asuvaluk asakras avato raeng.
Munak kovahatuk ka kovataeng, mekilea mevaselus minuk.

5 Meatin keil amum tisa, asuval kandel koa uh vini,
koa ahang teni hermukantei mun.

12 Mulamu, tounah one houlu, ka kosa, amai kat keil.
Mahien keil aro vesesal ven keil lises.
13 Mesaien tatisaso tai ka vasi ave,
mul sakin husi keil en he ka ale one mul mukut.

18 Koakeil amum tisa, isila lat keil imea ran meneai, iha en mankoli.
Imea ran out ten moulien, iha en out ten matien.

21 Koanek vi keite ten moulien onen meatin keil amumon sakien tatisa,
keite onen koakeil arkileatei Ahi.”